Astanadaǵy turǵyn úı kesheniniń qasbetine «Tańsári» mýraly salyndy
ASTANA. KAZINFORM — Turan dańǵyly, 58 mekenjaıynda ornalasqan «Keń dala» turǵyn úı kesheniniń ǵımaratyndaǵy aýqymdy «Tańsári» mýralynyń jumysy aıaqtaldy, dep habarlaıdy qala ákimdiginiń resmı saıty.
Elordadaǵy kópqabatty turǵyn úıdiń qasbetine erekshe mýral salyndy. Mýral Astana qalasy ákimdiginiń jáne Ýrbanıstıka ortalyǵynyń bastamasymen iske asyryldy.
— Qazaq mádenıetinde «tańsári» jańa kezeńniń bastalýyn, úmit pen jańarýdy bildiredi. Kórkem týyndy qala sáýleti men tabıǵattyń úılesimin beınelep, keńistikke jańa kórkemdik sıpat berip tur. Kompozıtsııanyń ózegine zamanaýı qalanyń qatań sáýlettik kelbetin ajarlandyratyn ashyq tústi dala gúlderi alynǵan. Gúlder ǵımarattyń qasbetimen boı túzep, qalalyq ortaǵa tabıǵı reńk men jylýlyq syılaıdy, — delingen habarlamada.
Mýraldy salý jumysyna Astana jáne Qaraǵandy qalalary Ýrbanıstıka ortalyqtarynyń komandalary AirG sýretshilerimen birlesip atsalysty.
Buǵan deıin Almatyda esirtkige qarsy jańa mýral paıda bolǵanyn jazǵan edik.
