Astanadaǵy turǵyn úı kesheniniń qasbeti qulady: zardap shekkender týraly ne belgili

ASTANA. KAZINFORM — Astana qalasynyń qoǵamdyq densaýlyq saqtaý departamenti elordalyq turǵyn úı keshenderiniń birinde kirpish qaptamanyń qulaýy saldarynan zardap shekkenderdiń jaǵdaıy týraly málim berdi, dep habarlaıdy Kazinform tilshisi.

— Feldsherdiń jaǵdaıy óte aýyr. Jansaqtaý bóliminde jatqan ekinshi naýqastyń jaǵdaıy aýyr. Taǵy úsh naýqas mamandandyrylǵan bólimshelerde em alyp jatyr: ekeýiniń jaǵdaıy jaqsaryp keledi, al bireýi ortasha deńgeıde, — delingen baspasóz qyzmetiniń málimdemesinde.

Aıta keteıik, 8 qarasha kúni astananyń Almaty aýdanyndaǵy Táýelsizdik dańǵyly, 24B mekenjaıynda ornalasqan toǵyz qabatty turǵyn úıdiń qasbetinen syrtqy kirpish qaptama men kondıtsıoner qulady.

Oqys oqıǵa saldarynan bes adam, onyń ishinde eki feldsher jaraqat aldy. Jansaqtaý bóliminde jatqan feldsherdiń jaǵdaıy áli de aýyr. Taǵy bir feldsherdiń jaǵdaıy ortasha. Ol qazir neırohırýrgııa bóliminde em alyp jatyr.