Astanadaǵy turǵyn úı kesheninde órtten zardap shekken áıeldiń jaǵdaıy aýyr
ASTANA. KAZINFORM – Astanada kópqabatty turǵyn úıde bolǵan órtten zardap shekken áıeldiń jaǵdaıy aýyr dep baǵalanyp otyr.
12 sáýirge qaraǵan túni Túrkistan kóshesinde ornalasqan 21 qabatty turǵyn úıdiń 15-qabatyndaǵy páterden órt shyqqan. Oqıǵa kezinde páter ishinde bir otbasy bolǵan. Órt saldarynan úsh bala mert bolyp, olardyń anasy aýyr jaraqatpen aýrýhanaǵa jetkizildi.
– 39 jastaǵy áıel jedel járdem arqyly medıtsınalyq mekemege jetkizilgen. Onyń denesiniń 50–55 paıyzy kúıip, II–III AB dárejeli termııalyq kúıik, termoıngalıatsııalyq zaqymdaný jáne II–III dárejeli kúıik shogy anyqtalǵan. Naýqas shuǵyl túrde arnaıy palataǵa jatqyzylyp, travmatolog, reanımatolog, LOR dárigeri jáne toksıkolog mamandardyń qaraýynan ótti. Keıin jansaqtaý jáne qarqyndy terapııa bólimine ornalastyryldy, – dedi travmatolog dáriger Marat Sábirov.
Onyń aıtýynsha, naýqas óte aýyr jaǵdaıda túsken jáne qazirgi ýaqytta oǵan tolyq kólemde qarqyndy terapııa júrgizilip jatyr.
Buǵan deıin úsh bala qaza tapqan órtke qatysty qylmystyq is qozǵalǵanyn jazǵanbyz.
