Astanadaǵy Tilendıev dańǵyly bir aıǵa jabylady
ASTANA. KAZINFORM – Astanada Tilendıev dańǵyly men Beısekova kóshesiniń qıylysynda salynyp jatqan kólik aıryǵyna baılanysty jol qozǵalysyna ýaqytsha ózgerister engiziledi.
Qala ákimdiginiń málimetinshe, jol qurylysy jumystarynyń júrgizilýine baılanysty 2026 jylǵy 6 maýsym men 6 shilde aralyǵynda Tilendıev dańǵylynyń atalǵan ýchaskesinde kólik qozǵalysy ishinara jabylady.
– Osy kezeńde avtokólik qozǵalysy eki baǵytta joldyń bir jaǵymen uıymdastyrylady, – dep habarlady jaýapty mekeme.
Qala turǵyndary men qonaqtaryna baǵyttaryn aldyn ala josparlap, qozǵalysty uıymdastyrýdaǵy ýaqytsha ózgeristerdi eskerý usynyldy.
– Qaýipsizdikti qamtamasyz etý jáne qolaısyzdyqtardy azaıtý maqsatynda ýchaskede ýaqytsha jol belgileri men baǵyttaýshy kórsetkishter ornatylady, – delingen habarlamada.
Tilendıev dańǵyly men Beısekova kóshesiniń qıylysyndaǵy jańa kólik aıryǵy jol ótkizý qabiletin arttyrýǵa jáne kólik keptelisin azaıtýǵa baǵyttalǵan.
Aıta keteıik, Astana – Petropavl tasjolynda 257 myń sharshy metr jabyn jańartyldy.
