Astanadaǵy testileý ortalyǵynda órt shyqqany ras pa
ASTANA. KAZINFORM — Testileý ortalyqtarynyń birinde tótenshe jaǵdaı boldy. Soǵan baılanysty mekeme basqa ǵımaratqa kóshirildi. Bul jóninde Ulttyq testileý ortalyǵy resmı saýalymyzǵa joldaǵan jaýabynda málimdedi.
— 8 naýryzda Astana qalasy T. Júrgenov kóshesi 18/2 mekenjaıy boıynsha ornalasqan aımaqtyq testileý ortalyǵynda tótenshe jaǵdaı boldy. Osyǵan baılanysty testileý ortalyǵy basqa mekenjaıǵa kóshirildi. Barlyq ózgeris týraly aqparat test tapsyrýshylardyń jeke kabınetinde (app.testcenter.kz) jarııalanady, sondaı-aq talapkerler men ata-analarǵa SMS-habarlama jiberiledi, — delingen habarlamada.
Sonymen birge ortalyqtyń málimetinshe, 2026 jyly Ulttyq biryńǵaı testileýdiń formaty ózgerissiz saqtalady. UBT qurylymy burynǵy qalpynda qalady: talapkerler úsh mindetti pándi jáne tańdaýy boıynsha eki beıindik pándi tapsyrady.
UBT tapsyrmalarynyń jalpy sany — 120. Onyń ishinde «Qazaqstan tarıhy» páni boıynsha 20 tapsyrma, «Oqý saýattylyǵy» men «Matematıkalyq saýattylyq» pánderinen 10 tapsyrmadan, sondaı-aq eki beıindik pánniń árqaısysynan 40 tapsyrmadan beriledi. UBT boıynsha eń joǵary ball da ózgermeıdi 140 ball bolyp qala beredi.
Aıta keteıik buǵan deıin naýryzda 67 myń talapker UBT tapsyrǵanyn jazǵanbyz.
