Astanadaǵy Táýelsizdik kópirinde jol jumystary qaıta bastalady

ASTANA. KAZINFORM – 18-24 shilde aralyǵynda Táýelsizdik kópirine asfalt tóseý jumystaryn jalǵastyrý josparlanýda, dep habarlaıdy Astana ákimdiginiń resmı saıty.

Esterińizge sala keteıik, buǵan deıin 10-20 shilde aralyǵynda asfaltbeton jabynynyń joǵary qabatyn tóseý jumystaryn júrgizýge baılanysty Táýelsizdik kópiriniń jabylatyny habarlanǵan bolatyn. Aýa raıyna baılanysty 14 shildeden bastap jumys toqtatylyp, jol júrý qamtamasyz etildi.

Sondyqtan 18 shilde kúni saǵat 23:00-den 24 shilde saǵat 01:00-ge deıin asfaltbeton jabynynyń joǵarǵy qabatyn tóseý úshin Táýelsizdik kópirindegi jol bóligin ishinara jabý josparlanýda. Bul rette qozǵalys kópirdiń bir jaǵy boıynsha eki baǵytta da qamtamasyz etiletin bolady.

Elorda turǵyndary men qonaqtarynan qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraıdy.