Astanadaǵy Safýan Shaımerdenov atyndaǵy kóshe ishinara jabylady
ASTANA. KAZINFORM — Ortasha jol jóndeý jumystaryn júrgizýge baılanysty S. Shaımerdenov kóshesiniń J. Nájimedenov kóshesinen A. Baıtursynov kóshesine deıingi ýchaskede jol tóseminiń joǵarǵy qabatyn tóseý jumystary júrgiziledi. Bul týraly «City Transportation Systems» JShS málim etti.
Sonymen qatar J. Nájimedenov/S. Shaımerdenov jáne A. Baıtursynov/S. Shaımerdenov kósheleriniń qıylystarynda qozǵalys ishinara shekteledi.
— Osyǵan baılanysty, aǵymdaǵy jyldyń 16-18 mamyr aralyǵynda atalǵan ýchaskede qozǵalys ishinara shekteledi. Jumystar J. Nájimedenov kóshesinen A. Baıtursynov kóshesine qaraı baǵytta joldyń bir jaǵymen júrgiziledi, — delingen habarlamada.
«City Transportation Systems» JShS júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi surady.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi ótindi.
Sondaı-aq «Jansúgiruly» aıaldamasyna avtobýstardyń toqtaý múmkindigi joq ekeni habarlandy. Osyǵan baılanysty baǵdarlar jolaýshylardy atalǵan aıaldamalarda ýaqytsha otyrǵyzyp/túsirmeıdi.
Aıta keteıik, 15–18 mamyr aralǵynda Shyńǵys Aıtmatov kóshesiniń bir bóligi jabylady.
