Astanadaǵy referendým ýchaskesinde jigit súıiktisine usynys jasady
ASTANA. KAZINFORM — Astanadaǵy №60 referendým ýchaskesinde erekshe jaǵdaı boldy. Elordalyq Abylaıhan Egeýbaev súıiktisine kópshilik aldynda úılený týraly usynys jasady.
Kútpegen usynystan sál tolqyǵan Malıka Toqtıeva kelisimin berip, «ıá» dep jaýap berdi.
– Kóńil kúıim kúshti. Qobaljyp turmyn. Shyny kerek, bulaı bolady dep kútpedim. Daýys berý úshin óz ýchaskeme kelgen edim. Kútpegen jerden osyndaı sóz salý bolyp jatyr. Men búgin «ıá» dedim, – deıdi Malıka Toqtıeva.
Jastardyń bul sáti ýchaskede bolǵan adamdardyń nazaryn aýdaryp, jyly emotsııaǵa toly erekshe oqıǵaǵa aınaldy. Abylaıhan Egeýbaev bul kúnge 1 jyl boıy daıyndalǵanyn aıtady.
– Men ómirimdegi eń basty ári mańyzdy oqıǵalardyń dál búgin bolǵanyna qatty qýanyshtymyn. Bul men úshin eń aıtýly kún bolady, – deıdi Abylaıhan Egeýbaev.
Aıta keteıik, Ulttyq qurama boksshylary Túrkistan oblysynda óz tańdaýyn jasady.
