Astanadaǵy iri jol apaty: isti tergeý aıaqtalý satysynda

ASTANA. KAZINFORM — Іshki ister mınıstriniń orynbasary Sanjar Ádilov elordadaǵy kópirde bolǵan iri jol-kólik oqıǵasy boıynsha qylmystyq istiń mán-jaıyn aıtty. 

— Kúdikti sot sanktsııasymen qamaýǵa alyndy. Qazir tıisti saraptamalar júrip jatyr. Onyń qorytyndysyn qosymsha jarııalaımyz, — dedi Sanjar Ádilov Parlament Májilisinde tilshiler suraǵyna jaýap bere otyryp.

Sonymen qatar ol qylmystyq isti tergeý aıaqtalýǵa jaqyndaǵanyn aıtty.

Eske salsaq, bıyl qańtar aıynyń aıaǵynda elordadaǵy Saraıshyq kóshesindegi iri jol apaty saldarynan eki adamnyń ómirin qıyldy.

«Toyota» kóliginiń júrgizýshisi Saraıshyq kóshesimen kele jatyp, kópir ústinde rýlge ıe bola almaı qalǵan. Sonyń saldarynan ol qarsy betke shyǵyp ketip, óz jolymen kele jatqan «Lada» jáne «Skoda» kólikterimen soqtyǵysqan.