Astanadaǵy para dzıýdodan álem chempıonatynda jekeleı syn máresine jetti
ASTANA. KAZINFORM — Astanada ótip jatqan para dzıýdodan álem chempıonatynda qazaqstandyq balýandar jekeleı synda 9 medal jeńip aldy.
Para dzıýdodan alǵash ret IBSA Judo World Championships Astana jarysy uıymdastyryldy. Onda jekeleı syndaǵy beldesýler aıaqtaldy.
Jahandyq dodada 10 salmaqta júlde jıyntyǵy sarapqa salyndy. Erler 70, 81, 95, 95 keliden joǵary salmaqta beldesse, áıelder 52, 60, 70, 70 keliden joǵary salmaqta júldege talasty.
Sondaı-aq, Halyqaralyq dzıýdo federatsııasy tájirıbe retinde Olımpıada salmaǵyna kirmeıtin 2 salmaqta (erlerde 64, áıelderde 46 keli) júlde sarapqa salyndy.
Jarystyń ótýine Halyqaralyq zaǵıptar sport federatsııasy (IBSA) qoldaý bildirdi. Onda 2028 jyly AQSh-tyń Los-Andjeles qalasynda ótetin Paralımpıadaǵa mańyzdy reıtıngtik upaılar sarapqa salynady.
Eki kúnniń qorytyndysy boıynsha el quramasy 2 altyn, 2 kúmis jáne 5 qola júlde enshiledi.
Qazaqstandyq júldegerler tizimi:
* Jurqamyrza Shýkýrbekov — altyn (+95 keli, J2 sanaty)
* Beksultan Qulmyrza — altyn (81 keli, J2 sanaty)
* Ǵalymjan Smaǵululy — kúmis (81 keli, J2 sanaty)
* Aıala Mereke — kúmis (70 keli, J2 sanaty)
* Erǵalı Shameı — qola (81 keli, J1 sanaty)
* Daıana Fedosova — qola (60 keli, J2 sanaty)
* Aınaz Kýralova — qola (46 keli, J1 sanaty)
* Baǵlanbek Onalbek — qola (+95 keli, J1 sanaty)
* Erlan Ýtepov — qola (+95 keli, J1 sanaty)
Búgin, 15 naýryzda komandalyq básekeden júldeler úlestiriledi.