Astanadaǵy órtten eshkim zardap shekpegen: Oqıǵa ornynan fotoreportaj
ASTANA. KAZINFORM — Astanalyq órt sóndirýshiler tilsiz jaýmen áli kúresip jatyr. Kazinform tilshisi oqıǵa ornyna baryp keldi.
Baıqaǵandaryńyzdaı, órtpen kúres áli júrip jatyr. Oqıǵa ornyna jınalǵan adamdar jaǵdaıdy baqylap otyr.
Tótenshe jaǵdaı bolǵan jerde órt sóndirý, tártip saqshylary jáne jedel járdem qyzmetin baqylaýǵa bolady.
Jergilikti turǵyndardy áńgimege tartqan edik, ókinishke qaraı pikir bildirýden bas tartty.
Sondaı-aq, jaqyn mańda jol qozǵalysy jabylǵan.
«Qazirgi ýaqytta joǵary qysymdy sorǵylar jumys istep jatyr. Sóndirý jumysy jalǵasýda. Zardap shekkender týraly aqparat túsken joq» deıdi TJM baspasóz qyzmetinen.
Oqıǵa ornynda Tótenshe jaǵdaı mınıstri Shyńǵys Árinov júr.
Eske sala keteıik, búgin astanada kópqabatty úıdiń 26-qabatynan órt shyqty.
Qutqarýshylar 8 adamdy qaýipsiz jerge shyǵardy, onyń ishinde bir bala bar. Arnaıy shtab quryldy.
