Astanadaǵy Ortalyq saıabaqta shańǵy jarysy ótedi

30 jeltoqsanda Astanalyq saıabaqta qysqy sport túrleri maýsymynyń ashylý rásimi ótedi. Soǵan oraı shańǵy rolleri jarysy uıymdastyrylady, dep habarlaıdy Kazinform Astana qalasy ákimdiginiń saıtyna silteme jasap.

Shańǵy jarysyna qatysýshylary 500 metr jáne 5 km aralyǵynda synǵa túsedi. 

Buǵan qosa sporttyq merekede sporttyń tórt túri boıynsha, atap aıtqanda, gir tasyn kóterý, armrestlıng, belbeý kúresi jáne arqan tartys boıynsha jarystar ótedi.

Qatysýshylardy tirkeý 30 jeltoqsan tańerteńgi saǵat 08.00 bastalady, al jarys saǵat 10:00-de bastalady. Saıysqa túsýshiler jarys bolatyn orynda tirkele alady.

Sporttyq merekede kórermender men qatysýshylardyń arasynda lotereıa men túrli baǵaly syılyqtar oınatylady dep josparlanǵan. Árbir jas sanatyna qaraı úzdikter dıplom, medal jáne baǵaly syılyqtarmen marapattalady.