Astanadaǵy Nurjol býlvarynda kólik qozǵalysy ýaqytsha shekteledi
ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy Nurjol býlvarynyń ústińgi qabatyn salý jumystarynyń jalǵasýyna baılanysty qala turǵyndary men qonaqtaryna kólik qozǵalysynyń ýaqytsha shekteletinin habarlady.
Vedomstvonyń málimetinshe, 2025 jylǵy 3 jáne 4 shildede Máńgilik El dańǵylynan Túrkistan kóshesine deıingi, sondaı-aq Túrkistan kóshesinen Máńgilik El dańǵylyna deıingi ýchaskelerde jol qozǵalysy kezeń-kezeńimen jabylady. Bul jumystar Nurjol býlvarynyń sapasyn jaqsartý maqsatynda júrgizilýde.
- Júrgizýshiler men jaıaý júrginshilerden qozǵalys baǵyttaryn aldyn ala josparlap, qozǵalysty uıymdastyrýdaǵy ózgeristerge nazar aýdarýdy suraımyz. Qaýipsizdikti qamtamasyz etý jáne qolaısyzdyqty barynsha azaıtý úshin ýaqytsha jol belgileri men kórsetkishter ornatylady, - delingen aqparatta.
Aıta keteıik, endi elordada jol erejesin Sergek drondar baqylaıdy.