Astanadaǵy «Nurly jol» vokzalynyń tóbesi opyryldy
ASTANA. KAZINFORM — «Qazaqstan temir joly» ulttyq kompanııasy «Nurly jol» vokzal kesheni 3-qabatynda tóbe jabynynyń bir bóligi qulaǵanyn rastap, sebebin málimdedi.
Kompanııanyń málimetinshe, 2026 jylǵy 22 shilde kúni saǵat 19:45–te «Nurly jol» vokzal kesheni 3-qabatynda tóbe jabynynyń bir bóligi qulaý faktisi tirkeldi.
— Vokzal kesheniniń qyzmetkerleri atalǵan aýmaqqa tekserý júrgizip, nóser kárizi júıesindegi qubyrlardyń jalǵanǵan tusy zaqymdalǵany anyqtaldy. Qubyrlardyń jigin sańylaýsyzdandyrý jáne nóser kárizi júıesi qubyrlarynyń qosylǵan tustaryn qalpyna keltirý jumystary tolyq oryndaldy. Jóndeý jumystary aıaqtalǵannan keıin, aqaý shyqqan aýmaq tazartylyp, jýyldy. Sondaı-aq, qaldyqtar shyǵaryldy, — delingen habarlamada.
Aıta keteıik, buǵan deıin Astana-1 temirjol vokzalyn jańǵyrtý jumystary qashan aıaqtalatynyn jazǵanbyz.
