Astanadaǵy meıramhanalardyń biri órtke orandy

ASTANA. KAZINFORM — Elordada Dinmuhamed Qonaev kóshesi boıynda ornalasqan meıramhanalardyń biri órtendi. Qazirgi ýaqytta Tótenshe jaǵdaı mınıstrliginiń kúshteri órtti oqshaýlady. 

— Naqtylanǵan málimetter boıynsha, Dinmuhamed Qonaev kóshesi boıyndaǵy meıramhanalardyń birinde úıdiń syrtqy qaptamasy men jeldetkish júıesiniń jylytqyshy janǵan. Zardap shekkender joq, - dep atap ótedi vedomstvodan.

Aıta keteıik, keshe Premer-mınıstr Oljas Bektenov quqyq buzýshylyqtyń aldyn alý jónindegi vedomstvoaralyq komıssııa otyrysyn ótkizdi. Onyń barysynda mereke kúnderi órt qaýipsizdigin qamtamasyz etý máselesine de kóńil aýdaryldy. 

– TJM kúshterimen adamdar kóp jınalatyn 7 myńnan astam nysanǵa tekserý júrgizildi jáne órt qaýipsizdigi boıynsha anyqtalǵan zańbuzýshylyqtar joıyldy. Jańa jyldyq is-sharalar ótkiziletin oryndar tekserilip, paıdalanýǵa ruqsat berildi. Halyqtyń áleýmettik osal sanatyndaǵy azamattar turatyn turǵyn úılerde órtke qarsy datchıkterdi montajdaý jalǵasyp jatyr. Qazirgi ýaqytta 36 myńnan astam qorǵanys qurylǵylary ornatylǵan, - delingen Úkimet baspasóz qyzmeti taratqan habarlamada.