Astanadaǵy merekelik is-sharalarǵa 10 000-ǵa jýyq adam qatysty

ASTANA. KAZINFORM — Astananyń aýdandarynda aldaǵy Jańa jylǵa arnalǵan merekelik baǵdarlamalar ótti. Іs-sharalarǵa elordanyń 10 000-ǵa jýyq qonaqtary men turǵyndary qatysty, dep habarlaıdy qalalyq ákimdiktiń resmı saıty.

Mereke qurmetine qonaqtar úshin kontsertter, estafetalar, Kóńildi starttar, syılyqtar jáne taǵy basqalar ázirlendi.

Elordanyń Saryarqa aýdanynda qalalyq alańda (qala ákimdiginiń aldynda) shyǵarmashylyq ujymdardyń jańa jyldyq baǵdarlamasy jáne shaıbaly hokkeı boıynsha kásibı hokkeıshilerdiń qatysýymen sheberlik sabaq ótti.

Almaty aýdanynda Táýelsizdik dańǵylyndaǵy Oqýshylar saraıynyń aýmaǵynda balalar shyǵarmashylyq ujymdarynyń qatysýymen merekelik kontserttik baǵdarlama aıaqtaldy.

Nura aýdanynda "Astana Arena" stadıonynyń turaǵynda merekelik is-sharalar qatysýshylarǵa arnalǵan syılyqtarmen Kóńildi starttardan bastaldy. Qonaqtar úshin konkımen syrǵanaý boıynsha sheberlik sabaǵy, estafeta jáne kontserttik baǵdarlama ótkizildi. Іs-sharalar keshke deıin jalǵasty.

Saraıshyq aýdanynda "Qazaq Eli" monýmentiniń janyndaǵy alańda merekelik is-shara uıymdastyryldy. Qonaqtar kóńildi starttarǵa qatysyp, júldelerdi jeńip aldy. Estrada juldyzdary men shyǵarmashylyq ujymdardyń qatysýymen kontserttik baǵdarlama usynyldy.

Esil aýdanynda EKSPO aýmaǵyndaǵy merekelik baǵdarlama eki saǵatqa sozyldy, kórermen qaýym shaıbaly hokkeıden sheberlik sabaqqa, júldeleri bar sporttyq estafetalarǵa jáne kontserttik baǵdarlamaǵa da qatysty.

Aıta ketý kerek, slaıdtar, tıýbıngter men konkılerdi jalǵa berý, Muz aıdyndary, fotoaımaqtar jáne t. b. jumys isteı bastady.

Merekelik is-sharalarǵa barlyǵy 10 000-ǵa jýyq adam qatysty.

Aıta keteıik, Astanada pırotehnıkalyq zattardyń satylýyn baqylaý boıynsha reıd júrip jatyr.