Astanadaǵy mektepterde tumaýǵa baılanysty tańǵy fıltr engizildi

ASTANA. KAZINFORM – Elorda mektepterinde tumaý men JRVI jaǵdaılarynyń kóbeıýine baılanysty ýaqytsha «tańǵy fıltr» rejımine ótti.

Endi mektepke kirgen ár oqýshynyń qyzýy ólshenip, densaýlyq jaǵdaıy baqylanady. Bul ýaqytsha shara aýrýdyń taralý qaýpin tómendetýge baǵyttalǵan.

Oqý oryndarynda kabınetterdi jeldetý, dezınfektsııa júrgizý kúsheıtildif. Sondaı-aq, oqýshylar kóp jınalatyn mektepishilik is-sharalardyń sany azaıtylǵan.

- Balalar tańerteń kelgen kezde temperatýra ólsheıtin quraldan ótedi. Eger qyzýy kóterilip tursa, mindetti túrde medbıkege jiberiledi. Birinshi ata-anasyna habarlaımyz. Eger jedel járdem shaqyrýǵa ruqsat bolsa shaqyramyz nemese ata-anasy alyp ketedi, - dedi Qaıym Muhamedhanov atyndaǵy №90 gımnazııanyń dırektory Gúljanat Abdrahmanova.

Onyń aıtýynsha, oqýshylar kóp jınalatyn is-sharalardyń sany qysqartylǵan.

Aıta keteıik, buǵan deıin SQO-da 108 synyptyń oqýshylary JRVI-ge baılanysty onlaın oqyp jatqanyn jazǵan edik.