Astanadaǵy «Máńgilik El» saltanat qaqpasynyń kútimine qosymsha qarjy suraldy
ASTANA. KAZINFORM – 2024-2026 jyldary elordada mádenıet salasyna qosymsha 1 mlrd 984 mln teńge qarjy bólý kózdelip otyr. Bul týraly Astana qalasy ekonomıka jáne bıýdjetti josparlaý basqarmasynyń basshysy Qaısar Mańqaraev málim etti.
Búgin elordanyń qoǵamdyq keńes otyrysynda Astana qalasynyń 2024-2026 jyldarǵa arnalǵan bıýdjetine ózgerister engizý máselesi qaraldy.
«2024 jyldarǵa arnalǵan túsimder boıynsha jospardy 105 mlrd teńgege ósimimen qaıta qaraý usynylady. Onyń ishinde salyq túsimderi 95 mlrd teńge, salyq emes túsimder 4 mlrd 789 mln teńge jáne negizgi kapıtaldy satýdan túsetin túsimder boıynsha 4 mlrd 940 mln teńgege qaıta qaraýdy qajet etedi. Shyǵystar boıynsha Jumyspen qamtý jáne áleýmettik qorǵaý basqarmasyna merdigerlik tólemderge, áleýmettik tólemderdi alýshylar sanynyń ulǵaıýyna baılanysty jáne múgedek jandardy áleýmettik qoldaýǵa, 2400 adamǵa úıdi jóndeýge jáne basqa da áleýmettik qoldaýlarǵa jalpy somasy 5 mlrd 595 mln teńge qarajat kózdelip otyr», - dep baıandady Qaısar Mańqaraev qoǵamdyq keńes aldynda.
Odan bólek, basqarm basshysy Mádenıet basqarmasyna 2 mlrd-qa jýyq qarajat surap otyr.
«Mádenıet basqarmasyna memlekettik shyǵarmashylyq tapsyrysty iske asyrýǵa, «Máńgilik el» saltanat qaqpasynyń kútimine, vedomstvolyq baǵynysty mekemeler men mádenıe uıymdarynyń kúrdeli shyǵystaryna qosymsha 1 mlrd 984 mln teńge qarjy bólý kózdelip otyr», - deıdi ol.
