Astanadaǵy Máńgilik El men Syǵanaq qıylysynda qozǵalys eki aptaǵa shekteledi
ASTANA. KAZINFORM – Astanada Máńgilik El dańǵyly men Syǵanaq kóshesiniń kólik aıryǵynda jol jóndeý jumystaryna baılanysty qozǵalysqa ýaqytsha shekteý engiziledi.
Astana qalalyq monıtorıng jáne jedel áreket etý ortalyǵy málimetinshe, shekteý 17-30 maýsym aralyǵynda kúshinde bolady.
Jóndeý jumystary kezeńinde kólik qozǵalysy eki baǵytta joldyń bir jaǵymen uıymdastyrylady.
«Júrgizýshiler men jaıaý júrginshilerden marshrýttaryn aldyn ala josparlap, qozǵalysty uıymdastyrýdaǵy ýaqytsha ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqtardy azaıtý maqsatynda ýchaskede ýaqytsha jol belgileri men baǵyttaýshy kórsetkishter ornatylady», – dep habarlady jaýapty mekeme.
Qala turǵyndary men qonaqtaryna keptelisterdi boldyrmaý úshin balama baǵyttardy paıdalanýǵa keńes berildi.
Aıta keteıik, Aqmola oblysynda 65 shaqyrym jol jóndelip jatyr.
