Astanadaǵy LRT-ge resmı túrde Tarlan Astana ataýy berildi
ASTANA. KAZINFORM — Qaýly «Qazaqstan Respýblıkasynyń ákimshilik-aýmaqtyq qurylysy týraly» zańǵa jáne 2026 jylǵy 12 maýsymdaǵy respýblıkalyq onomastıka komıssııasynyń qorytyndysyna sáıkes qabyldanyp, resmı túrde jarııalandy.
Qujatqa sáıkes, Astanadaǵy jeńil relsti kólik júıesine resmı túrde Tarlan Astana ataýy berildi.
Endi Astana qalasynyń Tilderdi damytý jáne arhıv isi basqarmasy qaýlyny iske asyrý boıynsha qajetti jumystardy júrgizedi.
Buǵan deıin LRT-ge jańa ataý berý usynysy Astana qalasy máslıhatynyń kezekten tys sessııasynda qaralǵan bolatyn. Qala ákimdiginiń málimetinshe, ákimdikke turǵyndardan, qoǵamdyq uıymdardan jáne Qazaqstan Jazýshylar odaǵynyń Astana qalalyq fılıalynan LRT júıesine resmı ataý berý týraly birqatar usynys túsken.
Ákimdik ókilderiniń túsindirýinshe, qazaqtyń tarıhı-mádenı tanymynda «Tarlan» sózi jyldamdyqty, erkindikti, kúshti, senimdilik pen tektilikti bildiredi.
