Astanadaǵy kóshelerdiń birinde jol tóseý jumystary júrgiziledi
ASTANA. KAZINFORM — Astanadaǵy mańyzdy kóshelerdiń birinde jol tóseý jumystary júrgiziledi, dep habarlaıdy qala ákimdiginiń resmı saıty.
Aǵymdaǵy jylǵy 26–28 maýsym aralyǵynda Syǵanaq kóshesinde Arys kópirinen (M-3) Túrkistan kóshesine deıingi ýchaskede jol jabynynyń ústińgi qabatyn tóseý jumystary júrgiziledi.
— Osyǵan baılanysty avtokólik quraldarynyń qozǵalysy joldyń bir jaǵymen eki baǵytta uıymdastyrylady. Júrgizýshiler men jaıaý júrginshilerden óz baǵyttaryn aldyn ala josparlap, jol qozǵalysyn uıymdastyrýdaǵy yqtımal ózgeristerdi eskerýlerin suraımyz, — delingen habarlamada.
Buǵan deıin Astanada arnaýly áleýmettik qyzmet kórsetetin 18 uıym lıtsenzııa alǵanyn jazǵanbyz.
