Astanadaǵy Qonaev pen Túrkistan kósheleriniń qıylysy ishinara jabylady

ASTANA. KAZINFORM – Astana qalasynyń Kólik jáne jol-kólik ınfraqurylymyn damytý basqarmasy D. Qonaev pen Túrkistan kósheleriniń qıylysynda jol tóseminiń ústińgi qabatyn salý jumysyn júrgizedi, dep habarlaıdy elorda ákimdiginiń resmı saıty.

Osyǵan baılanysty, 2-3 tamyz aralyǵynda kórsetilgen ýchaskede qozǵalys ishinara jabylady. 

Osy ýaqytta kólik qozǵalysy eki baǵytta bir jaǵynan kezeń-kezeńimen uıymdastyrylady.

Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet.

Buǵan deıin Astana halyqaralyq áýejaıy jolaýshylarǵa mańyzdy habarlama jasaǵan bolatyn.