Astanadaǵy kolledjderde qujat qabyldaý qashan bastalady

ASTANA. KAZINFORM – Elordada kolledjderge qujattardy qabyldaý 25 maýsymnan bastalady. Bul týraly Astana ákimdiginiń resmı saıty jazdy. 

Qujattardy qabyldaý qaǵaz túrinde tikeleı kolledjde (25 maýsymnan 1 shildege deıin) uıymdastyrylady. 1 shildeden bastap qujattardy qabyldaý elektrondyq úkimet portaly (egov.kz) arqyly jalǵasady.

Qujat tapsyrý kezinde 4 kolledjge deıin jáne 4 mamandyqqa deıin tańdaý beriledi. 

Konkýrs Bilim týraly qujatqa sáıkes mindetti jáne beıindi pánderdiń baǵalaryn ortasha konkýrstyq ball boıynsha bólý jolymen avtomattandyrylǵan túrde ótkiziledi.

Pedagogıkalyq mamandyqtar, óner jáne mádenıet mamandyqtary boıynsha arnaıy nemese shyǵarmashylyq emtıhandar, medıtsınalyq mamandyqtar boıynsha psıhometrııalyq testileý jáne konkýrsqa ruqsat alý qarastyrylǵan.

Kvota sanaty úshin rastaıtyn qujattardy usyný qajet (1, 2-toptaǵy múgedekter, múgedek balalar jáne olardyń tárbıelenýshi otbasylary, aýyl jastary, jetim balalar, kópbalaly, áleýmettik az qamtylǵan jáne tolyq emes otbasylardan shyqqan balalar jáne t.b.).

Jumysshy biliktilikterine (aspaz, kútýshi, kondıter, tiginshi, dánekerleýshi, shashtaraz jáne t.b.) jáne maqsatty memlekettik tapsyrysqa kolledjge áńgimelesý nátıjeleri boıynsha konkýrstan tys 25 tamyzǵa deıin qabyldanady.