Astanadaǵy qoqys polıgonynan órt shyqty
ASTANA. KAZINFORM — Baıqońyr aýdany Alash tas jolynyń boıynda ornalasqan qatty turmystyq qaldyqtar polıgony aýmaǵynda qoqys órtke orandy. Bul týraly TJM málim etti.
Oqıǵa ornynda TJM men JAO kúshteri men quraldary jumys istep jatyr. Órtti sóndirýge 100-ge jýyq jeke quram men 47 birlik arnaıy tehnıka jumyldyryldy.
Órtti sóndirý jumystary qoıý tútin men qatty turmystyq qaldyqtardyń janý erekshelikterine baılanysty kúrdelene túsken.
— Órt sóndirýshiler tilsiz jaýdy sóndirý úshin barlyq qajetti sharalardy qabyldap jatyr. Jaǵdaı baqylaýda. Órtti sóndirý jumystary jalǵasyp jatyr, — delingen habarlamada.
Aıta keteıik, Qazaqstanda bir kúnde 4 orman órti tirkeldi.
