Astanadaǵy Kereı-Jánibek handar kóshesiniń bir bóligi ýaqytsha jabylady
ASTANA. KAZINFORM – Elordanyń Kólik jáne jol-kólik ınfraqurylymyn damytý basqarmasy Kereı-Jánibek handar kóshesiniń Túrkistan kóshesinen Saýran kóshesine deıingi aralyǵynda jol tóseminiń ústińgi qabatyn salady, dep habarlaıdy elorda ákimdiginiń resmı saıty.
Osyǵan baılanysty, 19-21 shilde aralyǵynda kórsetilgen ýchaskede qozǵalys ishinara jabylady. Osy ýaqyt aralyǵynda kólik qozǵalysy eki baǵytta bir jaǵynan kezeń-kezeńimen uıymdastyrylady.
– Júrgizýshiler men jaıaý júrginshiler qozǵalys baǵytyn aldyn ala josparlaýy jáne qozǵalysty uıymdastyrýdaǵy yqtımal ózgeristerdi eskerýi qajet, - delingen habarlamada.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Eske sala keteıik, osyǵan deıin Almaty áýejaıyna kirý-shyǵý joly ýaqytsha ózgeretinin habarlaǵan edik.