Astanadaǵy Kenesary han eskertkishiniń irgetasy qulaıyn dep tur
ASTANA. KAZINFORM - Qalanyń Mádenıet basqarmasy tarıhı-mádenı murany saqtaý maqsatynda 2024-2025 jyldary Esil ózeniniń jaǵasynda ornalasqan Kenesary han eskertkishin qaıta jańartý josparlanǵanyn habarlaıdy.
Astana qalalyq ákimdigi baspasóz qyzmetiniń habarlaýynsha, ǵylymı-tehnıkalyq zertteý nátıjelerine sáıkes, nysan apatty dep tanyldy. Nysan irgetasynyń qulaý qaýpi bar.
Nysandy bólshekteý bıylǵy qarasha aıynda bastalady. Nysannyń ózi jańartylǵannan keıin 2025 jyldyń kókteminde ornyna qaıtarylady dep josparlanýda.
«Jańartý kelesideı jumystardy oryndaýdy qamtıdy: músindi bólshekteý jáne ony keıinnen qalpyna keltirý, tuǵyrdy jáne oǵan irgeles aýmaqty bólshekteý, burǵylaý úıindisin ornatý, sondaı-aq qurylymdy keıinnen montajdaý jáne tuǵyrdy qaptaý materıalymen árleý»,-delingen habarlamada.
Astanada jańa kóp fýnktsıonaldy týrıstik aýdan salynatyny týraly jazǵan edik.
