23:00, 13 Shilde 2024 | GMT +6
Astanadaǵy Qaraótkel kópiri bir aıǵa jabylady
ASTANA. KAZINFORM — Astana qalasynyń kólik jáne jol-kólik ınfraqurylymyn damytý basqarmasy Qaraótkel kópiriniń Táshenov kóshesinen Qalqaman kóshesine deıingi ýchaskesinde jol tósemine ortasha jóndeý jumysy júrgiziletinin habarlady.
Osyǵan baılanysty 14 shildeden 15 tamyzǵa deıin joǵaryda atalǵan ýchaske ishinara jabylady.
Bul rette avtokólik qozǵalysy taraptardyń biri boıynsha eki baǵytta da júzege asady.
«Elorda turǵyndary men qonaqtarynan qala joldarynda keptelis bolmas úshin óz marshrýtyn aldyn ala josparlaýdy suraımyz. Ýaqytsha qolaısyzdyq úshin keshirim suraımyz jáne jol-qurylys jumysyn júrgizýge túsinistikpen qaraýdy ótinemiz» dep eskertedi ákimdikten.
