Astanadaǵy Qabanbaı batyr men Turan dańǵyldaryn jalǵaıtyn jol ýaqytsha jabylady
ASTANA. KAZINFORM — Elordadaǵy Kólik jáne jol-kólik ınfraqurylymyn damytý basqarmasy «Alaý» Muz aıdyny saraıy jaqtan «Astana Arena» aýdanyndaǵy Qabanbaı batyr dańǵyly men Turan dańǵylyn jalǵaıtyn jolǵa ortasha jóndeý jumystary júrgiziletinin málim etti.
Elorda ákimdigi resmı saıtynyń málimetinshe, jol jóndeý jumystaryna baılanysty 22-25 shilde aralyǵynda joǵaryda atalǵan ýchaske tolyǵymen jabylady.
Bul rette Qabanbaı batyr jáne Turan dańǵyldary ashylyp, avtokólik quraldarynyń qozǵalysy irgeles kóshelerde júzege asyrylady.
Mekeme qala turǵyndary men qonaqtarynan joldaǵy keptelisti boldyrmaý maqsatynda óz marshrýttaryn aldyn ala josparlaýdy suraıdy.
Eske sala keteıik, buǵan deıin Almatyda jóndeý jumystaryna baılanysty Lavrenev kóshesiniń birneshe ýchaskesi ýaqytsha jabylatynyn jazǵan edik.
