Astanadaǵy ındýstrıaldy parkten qansha paıda túsip jatyr

Elordadaǵy ındýstrıaldy parkten qala qazynasyna mıllıardtaǵan paıda túsip, jańa jumys oryndary ashylyp jatyr, dep habarlaıdy Kazinform. 

«Qazirgi ýaqytta elordada eki arnaıy ekonomıkalyq aımaq jumys isteıdi. Biri – «Astana – jańa qala» aýmaǵy, 15,4 gektar, ekinshi – «Astana Tehnopolıs» aýmaǵy, 653 gektar. Qaıta óńdeý ónerkásibi salasyndaǵy jobalar 1-ındýstrııaldy parktiń aýmaǵynda ornalasqan. Búginde bul alań jalpy somasy 322,6 mıllıard teńge bolatyn 99 jobany qamtıdy. Onyń ishinde 247,1 mıllıard teńgege 50 joba paıdalanýǵa berildi. Búginde 5,2 myńnan astam turaqty jumys orny quryldy. Jalpy quny 75,5 mıllıard teńge bolatyn taǵy 49 joba iske asyrylady. Onyń 15,7 mıllıard teńgesi qazirdiń ózinde iske asyrylyp jatyr Aldaǵy úsh jylda tolyq iske qosylady dep josparlanǵan», – dedi Astana qalasy ınvestıtsııalar jáne kásipkerlikti damytý basqarmasynyń basshysy Hálel Ákimjanov qoǵamdyq keńes otyrysynda.

Onyń aıtýynsha, qazir ındýstrıaldy parktegi óndiris kólemi 6,5 trıllıon teńgege jetip otyr.

«Onyń ishinde eksport – 106 mıllıard teńge, salyq aýdarymdary – 186,2 mıllıard teńge. Qazir 1-shi ındýstrıaldy parkte 16 kásiporyn qurylys ındýstrııasy salasynda. Jeńil ónerkásipte – 14, mashına jasaýda – 12, hımııa salasynda – 4, tamaq ónerkásibinde 1 kásiporyn jumys isteıdi. Sheteldikterdiń qatysý úlesi – 20%, 9 joba. Eksporttyq ónimdi 12 kásiporyn óndiredi», - deıdi ol.