Astanadaǵy Grand Slam týrnıri: Kamıla Berliqash pen Marat Baıqamýrov fınalǵa shyqty
ASTANA. KAZINFORM — Dzıýdodan Qazaqstan quramasynyń eki ókili Astanada ótip jatqan Grand Slam týrnıriniń aqtyq synyna joldama aldy.
Kamıla Berliqash 78 keliden joǵary salmaqtyń jartylaı fınalynda otandasy Aıda Toıshybekovany jeńdi. Osylaısha aqtyq synda reseılik Elıs Startsevamen kúresedi. Al Aıda Toıshybekova qola júlde úshin ótetin básekede ıtalııalyq Tızıana Marınımen beldesedi.
Sondaı-aq 100 kelige deıingi salmaqta Marat Baıqamýrov jartylaı fınalda nıderlandtyq Mıhael Korreldi jeńdi. Onyń aqtyq syndaǵy qarsylasy moldovalyq Vadım Gımbovskı bolmaq.
Al Aıdar Arapov 90 kelige deıingi salmaqtyń jubanysh beldesýinde frantsııalyq Aleksa Mıtrovıchten basym tústi. Endi ol nıderlandtyq Frank de Vıtpen qola júldeni ózara sarapqa salady.
Sonymen qatar Ekaterına Tokareva 78 kelige deıingi salmaqtyń jubanysh beldesýinde lıtvalyq Mıgle ıÝlııa Dýdenaıteni jeńdi. Osylaısha ol qola júlde úshin ótetin beldesýde frantsııalyq Lız Ngelebeıamen kúsh synasady.
Aıta keteıik, buǵan deıin dzıýdoshy Jalǵas Qaırollanyń Astanadaǵy Grand Slam týrnırinde top jarǵanyn habarlaǵanbyz.
