Astanadaǵy Grand Slam: qazaqstandyq dzıýdoshylar el qorjynyna taǵy 3 medal saldy
ASTANA. KAZINFORM – Elordadaǵy Grand Slam týrnırinde Qazaqstan qorjynyna taǵy 3 medal tústi.
Kamıla Berliqash 78 keliden joǵary salmaq dárejesinde fınalǵa deıin jetip, altyn medal úshin reseılik Elıs Startsevamen kezdesken. Fınaldyq jekpe-jekte reseılik sportshy merziminen buryn jeńiske jetti. Osylaısha, otandasymyz jarysty ekinshi orynmen aıaqtady.
Dzıýdodan Qazaqstan quramasynyń ókili Aıda Toıshybekova 78 keliden joǵary salmaqta qola medal úshin ótken beldesýde ıtalııalyq Tızıana Marınımen kúresip, qarsylasyna ese jiberdi. jarys qorytyndysy boıynsha ol qola medaldi qanaǵat tutty.
Taǵy bir otandasymyz Aıdar Arapov 90 kelige deıingi salmaqta júldeger atandy. Aıdar qola medal úshin ótken beldesýde nıderlandtyq Frank de Vıtpen kúresti. Nátıjesinde jerlesimiz basym tústi.
Aıta keteıik, Qazaqstan quramasy óz jerinde ótip jatqan Grand Slam týrnırin 8 medalmen aıaqtady.
Budan buryn dzıýdoshy Marat Baıqamýrov elordadaǵy Grand Slam týrnırinde top jarǵanyn habarlaǵan edik.
