Astanadaǵy Gertsen kóshesiniń bir bóligi 6 qyrkúıekke deıin jartylaı jabylady

ASTANA. KAZINFORM — R. Dúısenbaev kóshesinen D. Karbyshev kóshesine deıingi ýchaskede A. Gertsen kóshesinde jóndeý jumystarynyń júrgiziledi. 

— Astana qalasynyń Kólik jáne jol-kólik ınfraqurylymyn damytý basqarmasy qala turǵyndaryn men qonaqtaryn R. Dúısenbaev kóshesinen D. Karbyshev kóshesine deıingi ýchaskede A. Gertsen kóshesinde jóndeý jumystarynyń júrgiziletini týraly habardar etedi, — delingen astana ákimdigi habarlamasynda. 

Osyǵan baılanysty atalǵan ýchaske aǵymdaǵy jylǵy 23 tamyz ben 6 qyrkúıek aralyǵynda ishinara jabylatyn bolady.

— Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. Osy ózgeristerge túsinistikpen qaraýdy jáne qala boıynsha qozǵalystardy josparlaý kezinde olardy aldyn ala eskerýdi suraımyz, — delingen habarlamada.