Astanadaǵy Esirtki qylmysy komıtetiniń basshysy Danııar Meıirhan qyzmetinen shettetildi
ASTANA.KAZINFORM — Esirtki qylmysy komıtetiniń tóraǵasy Danııar Meıirhan tergeý júrgizilgenge deıin qyzmetinen shettetildi.
Buǵan deıin ınternette Astanada Esirtki qylmysy komıtetiniń tóraǵasy Danııar Meıirhanǵa qarsy qylmystyq is qozǵalǵany týraly habarlama paıda boldy.
Danııar Meıirhanǵa qyzmettik ókilettigin asyra paıdalaný jáne qyzmetkerdi qýdalaý boıynsha kúdik keltirilgeni habarlanǵan. Oǵan qarsy 20 baǵynyshty qyzmetker de ujymdyq shaǵym túsirgen.
— Sizdiń ótinishińizde kórsetilgen tulǵa tergeý júrgizilgenge deıin qyzmettik mindetterinen shettetildi, — dep habarlady QR ІІM baspasóz qyzmeti.
Danııar Meıirhan — polıtsııa polkovnıgi. Ol QR ІІM Shyraqbek Qabylbaev atyndaǵy Qostanaı akademııasynyń bólim bastyǵynan bastap bastyǵynyń orynbasaryna deıingi laýazymdardy atqardy (2023–2024);
QR ІІM Esirtki qylmysyna qarsy kúres komıteti tóraǵasynyń orynbasary (2024);
QR Іshki ister mınıstrliginiń Esirtki qylmysyna qarsy kúres komıteti tóraǵasynyń mindetin atqarýshy (2024–2025);
Danııar Meıirhan 2025 jyldyń qyrkúıeginen bastap komıtet tóraǵasy qyzmetin atqardy.
Aıta ketelik SQO-da qarjylyq zań buzýǵa jol bergen 13 laýazymdy tulǵa jazalanǵan edi.
