Astanadaǵy «Elorda Qurylys Kompanııasy» bóliminiń basshysy 10 jylǵa sottaldy

ASTANA. KAZINFORM – Astana qalasynyń qylmystyq ister jónindegi mamandandyrylǵan aýdanaralyq soty alqabılerdiń qatysýymen «Elorda Qurylys Kompanııasy» JShS bólim basshysy B.Q. Bazarbekke qatysty úkim shyǵardy. Bul týraly Antıkor málim etti. 

— Memleket basshysynyń tapsyrmasyn oryndaý úshin Sybaılas jemqorlyqqa qarsy is-qımyl agenttigi qoǵamda zańdylyq pen tártip qaǵıdatyn qamtamasyz etý, sondaı-aq sybaılas jemqorlyq faktileriniń jolyn kesý jónindegi jumysty jalǵastyryp otyr, — delingen habarlamada. 

Qabyldanǵan sharalar men tetikter kesheni qoıylǵan mindetterdi tıimdi iske asyrýǵa jáne zańdylyqtyń buzylýyna ýaqtyly den qoıýǵa múmkindik beredi.

— Ol Astana qalasynda kóppáterli turǵyn úı keshenin salý sharty boıynsha avans tólegeni jáne smetany ulǵaıtqany úshin «Elorda qurylys kompanııasy» JShS basshylyǵy úshin merdigerlik uıym dırektorynyń 103 mln teńge somasynda alaıaqtyq jasaǵany jáne para berýge ıtermelegeni úshin kináli dep tanyldy, — dep habarlady agenttikten. 

Bazarbek 10 jylǵa bas bostandyǵynan aıyryldy

Úkim zańdy kúshine engen joq.

Buǵan deıin habarlanǵandaı, Qaraǵandy oblysynda «Eńbek» mekemesiniń eks-basshylary 449 mln teńge jymqyrǵan.