Astanadaǵy EKSPO sharynda Qazaqstan men Ózbekstan týy beınelendi
ASTANA. KAZINFORM – Alystan kóz tartatyn mundaı qurmet Ózbekstan Respýblıkasynyń Prezıdenti Shavkat Mırzıeevtiń Qazaqstanǵa eki kúndik memlekettik saparyna baılanysty kórsetilip otyr.
Aıta keteıik, búgin Qasym-Jomart Toqaev Qazaqstanǵa memlekettik saparmen kelgen Ózbekstan Prezıdenti Shavkat Mırzıeevti elorda áýejaıynda qarsy aldy.
Mártebeli qonaqty saltanatpen qarsy alý úshin áýejaıda Qurmet qaraýyly rotasy sap túzep turdy.
Sapar aıasynda joǵary deńgeıde ekijaqty kelissóz júrgiziledi jáne birqatar mańyzdy qujatqa qol qoıylady dep josparlanyp otyr.
Esterińizge salsaq, Qazaqstannyń ońtústiktegi irgeles kórshisi Ózbekstanmen dıplomatııalyq qatynastary 1992 jyly 23 qarashada bastaldy. 1998 jyly 31 qazanda qos memleket máńgilik dostyq týraly shartqa, 2013 jyly 14 maýsymda strategııalyq áriptestik týraly shartqa qol qoıdy.
