Astanadaǵy eki dárihanaǵa vırýsqa qarsy dárilerdiń jańa partııasy ákelinedi

ASTANA. KAZINFORM — Densaýlyq saqtaý mınıstri Aqmaral Álnazarova Úkimet otyrysynda Astana qalasyn vırýsqa qarsy dárilermen qamtamasyz etý 1-2 kúnniń ishinde tolyq sheshiletinin aıtty.

— Mınıstrlik Astana qalasynyń iri dárihana jelileri men dıstrıbıýtorlarymen kezdesý ótkizdi. Halyq arasynda suranysqa ıe dárilerge qosymsha ótinim berildi. Osyǵan baılanysty 1-2 kúnniń ishinde 2 aılyq qory jasaqtalady. Búgin Astanadaǵy Zerde jáne «Medservıs» jelilerine suranysqa ıe dáriler kelip, dárihanalarǵa taratylady, — dedi ol.

Aqmaral Álnazarova aýrýhanalarda atalǵan dárilerdiń qory jetkilikti ekenin atap ótti.

— Emdeý mekemelerinde vırýsqa qarsy jáne qyzý túsiretin preparattardyń, jeke qorǵanysh quraldary men dezınfektsııalyq quraldardyń jetkilikti qory qamtamasyz etilgen, — dedi mınıstr.

Budan buryn Densaýlyq saqtaý mınıstri Aqmaral Álnazarova Úkimet otyrysynda eldegi epıdemıologııalyq ahýal týraly baıandap, vırýstardyń órshýi jeltoqsannyń ortasyna deıin jalǵasýy múmkin ekenin aıtty.