Astanadaǵy Dostyq-Saýran qıylysy jartylaı jabylady
ASTANA. KAZINFORM — Astana qalasynyń kólik jáne jol-kólik ınfraqurylymyn damytý basqarmasy jóndeý jumystaryna baılanysty Dostyq pen Saýran kósheleriniń qıylysynda kólik qozǵalysyna ýaqytsha shekteý engiziletinin habarlady.
28 maýsym kúni saǵat 09:00–den 29 maýsym saǵat 02:00–ge deıin atalǵan ýchaskede kólik qozǵalysy ishinara shekteledi.
Jóndeý jumystary júrgiziletin aýmaqta qaýipsizdikti qamtamasyz etý jáne qozǵalysty uıymdastyrý úshin ýaqytsha jol belgileri ornatylady.
Júrgizýshiler men jaıaý júrginshilerden baǵyttaryn aldyn ala josparlap, qozǵalys syzbasyndaǵy ýaqytsha ózgeristerdi eskerip, ýaqytsha qolaısyzdyqtarǵa túsinistikpen qaraýdy surady.
Aıta keteıik, Astanada Kereı-Jánibek handar kóshesi ishinara jóndeý jumysyna baılanysty jabylady.
