Astanadaǵy Dostyq pen Qonaev kóshelerinde jóndeý jumystary júrgiziledi
ASTANA. KAZINFORM – Elordadaǵy Dostyq pen Dinmuhammed Qonaev kósheleriniń boıynda jol tósemine ortasha jóndeý júrgiziledi, dep habarlaıdy elorda ákimdiginiń resmı saıty.
Osyǵan baılanysty, 18-23 maýsym aralyǵynda kólik qozǵalysy tolyǵymen jabylady.
Júrgizýshiler men jaıaý júrginshiler qozǵalys baǵytyn aldyn ala josparlap, múmkin bolatyn ózgeristerdi eskerýi qajet.
Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.
Eske sala keteıik, buǵan deıin elordadaǵy Táýelsizdik dańǵylynyń ýchaskesi jóndeý jumysyna baılanysty jabylatynyn jazǵan edik.
