Astanadaǵy boks keshi: Aǵaıyndy Sabyrhandardyń qarsylastary anyqtaldy

ASTANA. KAZINFORM — 5 sáýirde Astanada ótetin boks keshinde aǵaıyndy Mahmýd jáne Tórehan Sabyrhannyń qarsylastary belgili boldy.

Atalǵan sporttyq sharanyń basty jekpe-jeginde Jánibek Álimhanuly (16-0, 11KO) men frantsııalyq Anaýel Ngamıssengeniń (14-0, 9 KO) qolǵap túıistiredi.

Kásipqoı boks týrnırinde barlyǵy 10 jekpe-jek ótedi dep josparlanǵan. Onda Mahmýd jáne Tórehan Sabyrhannyń kásipqoı bokstaǵy tusaýkeser jekpe-jegi bolady.

2023 jylǵy álem chempıonaty Mahmud kolýmbııalyq Nıkolas Tordesılıamen sheberlik baıqasady. Qarsylasy qazirge deıin kásipqoı bokstaǵy eki jekpe-jektiń ekeýinde de qarsylasyn qapy qaldyrǵan.

Al 20 jastaǵy Tórehannyń qarsylasy — chehııalyq Djırı Haýke. 29 jastaǵy bylǵary qolǵap sheberi kásipqoı boksta 10 kezdesýdiń tórteýinde jeńgen.

Boks keshiniń baǵdarlamasynda ózge de qazaqstandyq sportshylar synǵa túsedi. Atap aıtqanda, jankúıerler Sultan Zaýyrbek pen Azınga Fýzıle, Batyr Júkembaev pen Keın Gardner, Balaýsa Muzdıman men Rozalında Rodrıges jekpe-jegin kórýine múmkindigi bar.

Aıta ketsek, boks keshi «Qazsport» jáne «Qazaqstan» telearnalarynan tikeleı kórsetiledi.