Astanadaǵy bilim berý uıymdarynda tárbıelik máni bar is-sharalar ótkizilip jatyr
ATYRAÝ. KAZINFORM — Astanada Dúnıejúzilik densaýlyq saqtaý kúnine oraı jáne «Taza Qazaqstan» ekologııalyq aktsııasy aıasynda bilim berý uıymdarynda biryńǵaı formatta tárbıelik máni bar is-sharalar ótkizildi, dep habarlaıdy elorda ákimdiginiń resmı saıty.
Sonyń biri Balalarǵa qosymsha bilim berý oqý-ádistemelik ortalyǵynyń uıymdastyrýymen elordanyń № 101 jalpy orta bilim beretin mektebinde jalǵasty.
— Bul bastama jas urpaqtyń densaýlyǵyna degen jaýapkershiligin arttyryp qana qoımaı, olardyń ekologııalyq mádenıetin damytýǵa jáne qoǵamda tazalyq qundylyqtaryn keńinen nasıhattaýǵa múmkindik beredi, — deıdi uıymdastyrýshylar.
Biryńǵaı fleshmob barysynda oqýshylar tazalyq pen salaýatty ómir saltyn dáripteıtin túrli sporttyq bı qoıylymdaryn qoıyp, ujymdyq áreketter uıymdastyrdy.
Aıta keteıik, mundaı is-shara jas urpaqty deni saý, sanaly jáne qorshaǵan ortaǵa janashyr azamat retinde tárbıeleýge baǵyttalǵan mańyzdy qadamdardyń biri.
Budan buryn «Adal azamat» birtutas tárbıe baǵdarlamasyn kórneki súıemeldeý maqsatynda zamanaýı brendbýk ázirlengenin jazdyq.
