Astanadaǵy basty kóshelerdiń biri jabylady

ASTANA. KAZINFORM — Elordadaǵy Qonaev kóshesiniń bir bóligi 19 aqpannan bastap jabylady, dep habarlaıdy Astana qalasy ákimdiginiń baspasóz qyzmeti.

Астана Байтерек
Фото: Ағыбай Аяпбергенов /Kazinform

Jol-kólik ınfraqurylymyn jaqsartý maqsatynda, sol sııaqty jaıaý júrginshiler úshin qaýipsizdik pen yńǵaılylyqtyń zamanaýı standarttaryn eskere otyryp, Qonaev kóshesindegi «Astana Opera» memlekettik opera jáne balet teatrynyń janyndaǵy jer ústi jaıaý júrginshiler ótkelin rekonstrýktsııalaýdy jalǵastyrý josparlanyp otyr.

— Osyǵan baılanysty, Astana PD ákimshilik polıtsııa basqarmasynyń kelisimi boıynsha osy jyldyń 19 aqpanynan 30 qazanyna deıin Qonaev kóshesiniń Qabanbaı batyr dańǵylynan Turan dańǵylyna deıingi jol bóligi jabylady. Bul rette avtokólik quraldarynyń qozǵalysy irgeles Dostyq jáne Saraıshyq kóshelerimen qamtamasyz etiletin bolady. Elorda turǵyndary men qonaqtarynan qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz jáne jol-qurylys jumystarynyń júrgizilýine túsinistikpen qaraýdy suraımyz, — delingen habarlamada.

Qonaev kóshesiniń bir bóligi 19 aqpannan bastap jabylady
Foto: Astana ákimdigi

Buǵan deıin Astanada adam ómirine qaýipti zattar jarnamalanǵan qabyrǵalar boıalǵanyn jazdyq.

Сейчас читают