Astanadaǵy balalar aýylynda kún elektr stantsııasy iske qosyldy
ASTANA. KAZINFORM - Ekolog kúninine oraı Astanadaǵy «SOS balalar aýyly» aýmaǵynda energııa jınaqtaý júıesi bar alǵashqy shatyrlyq kún elektr stantsııasy iske qosyldy.
Kún elektr stantsııasy kún panelderin, energııa jınaqtaý qurylǵylaryn jáne syrtqy jaryqtandyrý júıesin biriktiredi. Joba mekemeniń elektr energııasyna degen qajettiliginiń shamamen jartysyn qamtamasyz etýge múmkindik beredi. Bastama Energy China korporatsııasynyń qoldaýymen, Qytaı Halyq Respýblıkasynyń Qazaqstandaǵy elshiligi men Qytaı kásipkerleri qaýymdastyǵynyń qatysýymen júzege asyryldy.
Balalar aýylynyń dırektory Gúlnar Óskenbaevanyń aıtýynsha, kún batareıalaryn paıdalaný elektr energııasyna jumsalatyn shyǵyndy azaıtýǵa yqpal etedi.
- Osylaısha, bul únemdelgen qarajatty tárbıelenýshilerdi qoldaýǵa jáne mekemeni damytýǵa baǵyttaýǵa múmkindik beredi, - dedi mekeme basshysy.
Qazir balalar aýylyndaǵy 16 úıde 85 bala turady. Mekeme aı saıyn orta eseppen 8 myń kılovatt-saǵat elektr energııasyn tutynady. Basshylyq aldaǵy ýaqytta kún panelderiniń kólemin ulǵaıtý arqyly elektr energııasyna degen qajettilikti tolyq jabýdy josparlap otyr.
Bul bastama elordada jasyl tehnologııalardy damytýǵa jáne ekologııalyq mádenıetti qalyptastyrýǵa baǵyttalǵan jobalardyń biri boldy.
Eske salaıyq, elimizde elektr energııasyn óndirý kólemi artqan.
