Astanadaǵy Backstreet Boys kontsertine múmkindigi shekteýli jandar qatysty
ASTANA. KAZINFORM — 21 qyrkúıekte «Astana Arena» stadıonynda ótip jatqan Backstreet Boys kontsertine myńdaǵan jankúıermen birge múmkindigi shekteýli kórermender de bas qosty, dep habarlaıdy qala ákimdigi.
Іs-sharanyń barynsha qoljetimdi ári jaıly ótýi úshin arenada arnaıy jaǵdaı jasaldy: yńǵaıly kireberister qarastyrylyp, qozǵalysy shekteýli jandarǵa arnalǵan bólek oryndar jabdyqtaldy, sondaı-aq eriktilerdiń kómegi uıymdastyryldy.
Kórermenderdiń aıtýynsha, mundaı sharalar kontserttiń tolyqqandy qatysýshysy retinde sezinýge jáne ózgelermen birdeı áser alýǵa múmkindik beredi.
Uıymdastyrýshylardyń sózinshe, buqaralyq is-sharalarda kedergisiz orta qalyptastyrý — elordadaǵy ınklıýzıvti mádenıetti damytýdyń mańyzdy qadamy.
Budan buryn Backstreet Boys toby ekologııalyq aktsııa aıasynda Astana saıabaǵynda aǵash otyrǵyzyp, dombyra shertip kórgenin jazǵanbyz.