Astanadaǵy Backstreet Boys kontsertine arnaıy shattl-avtobýstar qatynaıdy

ASTANA.KAZINFORM –  Astanada 21 qyrkúıek kúni áıgili Backstreet Boys tobynyń kontserti ótedi. 

Astana ákimdiginiń málimetinshe, kórermenderdiń yńǵaılylyǵy úshin bul kúni arnaıy avtobýstar uıymdastyrylady.

Shattl-avtobýstar kórermenderdi kontsert ótetin «Astana Arena» stadıonyna jetkizedi.

Kórermenderdi jetkizý saǵat 16:00-den bastap bes aıaldamadan bastalady:

– «Astanalyq tsırk» avtoturaǵy;

– «Áziret Sultan» meshitiniń avtoturaǵy;

– «Qazaqstan» sport kesheni (Q.Sátbaev kóshesi) aldyndaǵy avtoturaq;

– Ortalyq saıabaq avtoturaǵy;

– «Bas meshit» aldyndaǵy avtoturaq.

Qosymsha shattl-marshrýttardyń uıymdastyrylýy joldaǵy kólik keptelisin azaıtyp, qala turǵyndary men qonaqtarynyń yńǵaılylyǵyn qamtamasyz etedi.

Aıta ketelik Backstreet Boys kontsertine 12 myń týrıst Astanaǵa keledi.