Astanadaǵy Aıtmatov kóshesi bir aptaǵa jabylady
ASTANA. KAZINFORM — Elordada Q.Muhamedhanov kóshesinen Qorǵaljyn tas jolyna deıingi ýchaskede Sh. Aıtmatov kóshesin jóndeý jumystary bastaldy, dep habarlaıdy qalalyq Kólik jáne jol-kólik ınfraqurylymyn damytý basqarmasy.
— Osyǵan baılanysty, aǵymdaǵy jylǵy 28 maýsym — 5 shilde aralyǵynda kórsetilgen ýchaskede qozǵalys ishinara jabylatyn bolady. Osy ýaqytta avtokólik quraldarynyń qozǵalysy eki baǵytta bir jaǵynan kezeń-kezeńimen uıymdastyrylady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz, — delingen basqarma taratqan aqparatta.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Budan buryn endi elordada jol erejesin Sergek drondar baqylaıtyny belgili boldy.