Astanadaǵy avtobýs apaty: júrgizýshi qamaýǵa alyndy

ASTANA. KAZINFORM — Keshe elordada jolaýshylar avtobýsy apatqa ushyrap, 15 adam zardap shekti. Jol apatyna aıypty dep tanylǵan júrgizýshi qamaýǵa alyndy.

— Jolaýshylardyń densaýlyǵyna aýyr zııan keltirgen jol qozǵalysy erejelerin buzý faktisi boıynsha qylmystyq is qozǵaldy. Avtobýs júrgizýshisi ýaqytsha ustaý ızolıatoryna qamaldy. Tergeý amaldary júrgizilip jatyr, — degen habar aldyq Astana qalalyq polıtsııa departamentiniń baspasóz qyzmetinen.

Eske salaıyq, keshe keshke Astanada qoǵamdyq kólik júrgizýshisi rólge ıe bola almaı, jol jıegindegi baǵanǵa soqtyǵysty. Saldarynan birneshe adam zardap shekti. 

Artynsha bir zardap shegýshi jolaýshynyń jaǵdaıy aýyr ekeni jáne ota jasalǵany habarlandy.

Búgin zardap shekken 1 jolaýshynyń aıaǵyna ampýtatsııa jasaldy. 

Sondaı-aq elorda ákimdigi jol apatynan zardap shekken jandarǵa ótemaqy tóleıtini belgili boldy.