Astanadaǵy avtobýs apaty: bir zardap shegýshiniń jaǵdaıy aýyr, ota jasalady

ASTANA. KAZINFORM — Elordada jolaýshylar avtobýsy apatynan 10 adam zardap shekti. Bul týraly Qoǵamdyq densaýlyq saqtaý basqarmasynyń baspasóz qyzmeti habarlaıdy.

— Aldyn ala málimet boıynsha, jaraqat alǵan 10 adam qalalyq statsıonarǵa jetkizildi. Zardap shekkenderdiń ekeýi ulttyq shuǵyl medıtsına úılestirý ortalyǵyna jetkizildi. Olarǵa barlyq qajetti medıtsınalyq kómek kórsetilip jatyr. Zardap shekkenderdiń biri aýyr jaǵdaıda, shuǵyl operatsııa jasalyp jatyr, — degen habar aldyq densaýlyq saqtaý basqarmasynan. 

Buǵan deıin habarlaǵanymyzdaı, Astanada avtobýs júrgizýshisi rólge ıe bola almaı, jol jıegindegi baǵanǵa soǵyldy. 

Eske salsaq, bul birinshi jaıt emes, sáýirde Astanada avtobýs baǵanǵa soǵylyp, jolaýshylar jaraqat alǵan edi.

Taıaýda elordada kólik basqaryp kele jatqan júrgizýshi kenetten qaıtys bolǵany týraly jazǵan edik.

Sondaı-aq Astanada serýen joly opyrylyp túsip, boıjetken zardap shekti.