Astanadaǵy avtobýs apaty: 14 adam aýrýhanaǵa jetkizildi

ASTANA. KAZINFORM — Búgin tańerteń elordada avtobýs joldan shyǵyp ketip, apatqa ushyrady. 

Jol-kólik oqıǵasy Astanadaǵy Qabanbaı batyr dańǵylynda boldy. Taraǵan vıdeoǵa qaraǵanda, avtobýs qalalyq marshrýtta júrgen kólikke uqsamaıdy. 

— Qabanbaı batyr kóshesinde bolǵan jol-kólik oqıǵasy saldarynan 14 adam jedel járdem arqyly qalalyq kópsalaly statsıonarlarǵa, sondaı-aq Ulttyq shuǵyl medıtsına úılestirý ortalyǵyna jetkizildi. Qabyldaý bóliminde barlyǵy salalyq mamandardyń tekserýinen ótti. Osy oraıda zardap shekkenderdiń birqatary ambýlatorlyq emdeýge jiberildi, al qalǵandary qosymsha tekserýden ótip jatyr. Zardap shekkenderdiń basym bóligi jeńil túrde jaralanǵan, — delingen qalalyq densaýlyq saqtaý basqarmasynyń Kazinform agenttigine bergen málimetinde.

Eske salsaq, budan buryn Jezqazǵan – Astana baǵytyndaǵy poıyz júk vagonymen soqtyǵysa jazdady.