Astanadaǵy aýktsıonda qazaqstandyq buqa 6 mıllıon teńgege satyldy
ASTANA. KAZINFORM — Elordada 17-18 shilde kúni dástúrli Jana Dala/Green Day 2025 halyqaralyq kórmesi ótip jatyr.
Uıymdastyrýshylar usynǵan málimetke sáıkes, bıyl halyqaralyq kórmege 22 elden 10 myńnan astam adam keldi. Sondaı-aq 500 bala kórmeni arnaıy baǵdarlama boıynsha tamashalady. Jalpy dástúrli kórmege 200-den astam kompanııa qatysyp jatyr.
Aıta keteıik, maldyń jaı-kúıin 150 veterınar maman baqylap otyr.
Odan bólek, «Mal sharýashylyǵy» blogy aıasynda kórsetilimge, aýktsıon jáne «eń úzdik buqa» baıqaýyna 19 sharýashylyq qatysyp jatyr, ol jerde 47 buqa usynylǵan.
— Jana Dala Green Day 2025 halyqaralyq kórmesi aıasynda ótken aýktsıonda «Dáýren» sharýa qojalyǵynyń «Joıqyn» atty buqasy 6 mıllıon teńgeden astam qarjyǵa satyldy, — delingen habarlamada.
Qazaqtyń aqbas tuqymdy buqalary arasyndaǵy baıqaý óz máresine jetti. Jalpy halyqaralyq kórme jalǵasyp jatyr.
Jeńimpazdar:
18 aıǵa deıingi sanat boıynsha:
— «Sábıt» sharýa qojalyǵy — «Qyran» (Batys Qazaqstan oblysy);
— «Novobratskoe» JShS — «Bagrovyı» (Aqmola oblysy);
— «Dáýren» sharýa qojalyǵy — «Batpan» (Abaı oblysy).
18 aıdan joǵary sanat boıynsha:
— «Galıtskoe» sharýa qojalyǵy — «Dollar» (Pavlodar oblysy);
— «Rodına» JShS — «Atos» (Aqmola oblysy);
— «Aıdar» sharýa qojalyǵy — «Lohopota» (Aqmola oblysy).
Absolıýtti chempıon:
— «Sábıt» sharýa qojalyǵy «Qyran» buqa (Batys Qazaqstan oblysy).
Buǵan deıin Aqmola oblysynda «Jańa Dala / Green Day ‘2025» kórmesi bastalǵany týraly jazǵan edik.
Eske salsaq, bıyl mamyrda Qazaqstanda buqa eksportyna ýaqytsha tyıym salynǵan edi.