Astanadaǵy Arys kópirinde jóndeý jumystaryna baılanysty qozǵalys 10 kúnge shekteledi
ASTANA. KAZINFORM – Qaladaǵy Kólik jáne jol-kólik ınfraqurylymyn damytý basqarmasy Arys kópirinde (M3) deformatsııalyq tigisti jóndeý jumystary júrgiziletinin habarlady.
Jóndeý jumystary 15 qyrkúıekten 25 qyrkúıekke deıin jalǵasady. Osy kezeńde avtokólik quraldarynyń qozǵalysy ishinara shektelmek.
- Júrgizýshiler men jaıaý júrginshilerge marshrýttaryn aldyn ala josparlap, qozǵalysty uıymdastyrýdaǵy yqtımal ózgeristerdi eskerýge keńes beriledi. Qaýipsizdikti qamtamasyz etý maqsatynda ýaqytsha jol belgileri men kórsetkishter ornatylady, - delingen aqparatta.
Basqarma qala turǵyndary men qonaqtarynan qolaısyzdyqqa túsinistikpen qarap, qozǵalysty josparlaý kezinde shekteýlerdi eskerýdi surady.
Aıta keteıik, buǵan deıin Astanada Áıteke bı kóshesiniń bir bóligi ýaqytsha jabylatyny habarlanǵan bolatyn.